आपली काळजी वाढविणारी बातमी आत्ताच समोर आली आहे. आज एकाच दिवसात महाराष्ट्रात तब्बल 77 कोरोनाग्रस्त रुग्ण सापडले आहेत . यातील 59 लोक हे मुंबईचे आहेत तर इतर ठाणे ,पुणे ,अहमदनगर ,वाशी या भागातील आढळून आले आहेत. कालपर्यंत महाराष्ट्रातील कोरोनाग्रस्त रुग्णांची संख्या 225 होती, तीच आज संध्याकाळपर्यंत 77 ने वाढवून 302 इतकी झाली आहे. तर देशातील रुग्ण 1150 इतके झाले आहेत.
आज नव्याने सापडलेले कोरोनाग्रस्त हे मुंबईतील चाळ , झोपडपट्टी अशा भागात राहणारे आहेत . यातील सर्वात काळजी करण्याची गोष्ट म्हणजे यात तरुणांची संख्या सर्वाधिक आहे. तरुणांची रोग प्रतिकारकक्षमता अधिक असली तरीही समोर आलेल्या वृत्तानुसार कोरोनाग्रस्त रुग्णांमध्ये तरुण नागरिकांची संख्या जास्त असल्याचे समोर आले आहे . त्यामुळे तरुणांनी काळजी घेणे अत्यंत आवश्यक आहे .
आता राज्याच्या वैद्यकीय क्षेत्रातून प्रचंड चिंता व्यक्त केली जात आहे . तसेच कोरोना रुग्णांचा हा आकडा आणखी वाढण्याची शक्यता वर्तविली जात आहे .
सावधान रहा ; काळजी घ्या.
